""""........ भुंगा ......""": जेंव्हा "तू " फक्त ..... तू असतोस !

प्रत्येकाच्या मनात किती तरी असे विचार असतात जे आपल्या मनात सतत धुमसत असतात काही नुसतेच रुंजी घालतात तर काही नुसतेच हेलकावे खात रहातात … खरं तर ते आपल्या मनात भूंग्या सारखे सतत भुन भुन करत असतात…! जे आपल्याला अस्वस्थ करतात …. तीच अस्वस्थता इथे कवितांच्या रुपात मांडण्याचा प्रयत्न … !!!!

सोमवार, ५ ऑगस्ट, २०१३

जेंव्हा "तू " फक्त ..... तू असतोस !

जेंव्हा "तू " फक्त

तू असतोस

तेंव्हा तुझ्याभोवती

लगड़लेली इतर

कोण असतात ……?

इतर कोणाचाच

जेंव्हा तुझ्या

अस्तित्वावर हक्क

सांगितला जातो ……

तेंव्हा तू कुठे असतोस ……….?

जेंव्हा "तू " तुझ्याभोवती

सुखशांतिचा

बुरखा पांघरतोस

अनं सगळ्या

दु:खांना बिनधास्त

सामोरा जातोस

तेंव्हा मात्र तू

फक्त एकटा का असतोस ……. ?

"समिधा"