शनिवार, ३ ऑगस्ट, २०१३

नव्या गुलामीचे नवे साखळदंड" ……!!!!

                                                                               
                                                माहीत नाही  … कुठुनसा
                                                आला तो  …!
                                                शोधत "भारत "
                                                एकलय त्याने
                                                सोन्याचा धुर  …निघतो जिथून  ?
                                                जसा जसा तो फिरत गेला
                                                शोधत सोन्याचा धुर …
                                                की माणसांचा पुर  …. ?
                                                जिथे खाणा खुणा दिसल्या  मराठीच्या
                                                 दबलेल्या  परप्रांतियांच्या  टाचांखाली
                                                 या विरुद्ध ओरडतात  …. आंदोलने  करतात … !
                                                 काही हक्क मागतात …….
                                                 पण - नंतर कळले त्यांनीच वसवल्यात
                                                 वस्त्या त्यांच्या व्होट बँकेच्या
                                                 थैल्या भरायला   ……!!

                                                 इथेच पडलाय दुष्काळ
                                                 पण खंत कुणाला
                                                 बाहेर पडतोय रोज
                                                 नवीन एक घोटाळा  ……!
                                                 दुष्काळ्याला दुष्काळी म्हणायला
                                                 ओळख लागते   …… !
                                                 फाटलेल्या संसाराची लक्तरे
                                                 जागोजागी  टांगायाला लागते
                                                 त्याची उघडी वाघडी फरफट
                                                 मीडिया टीपते   ……  तेंव्हा कुठे
                                                 माणुसकीला पाझर फुटताना
                                                 दिसते  ……. !!!

                                                 तिथून उठला  आणि
                                                 पुढे निघाला   . . . . .
                                                 तिकडे जम्मू काश्मीर
                                                 आसाम तडकला
                                                 रक्ताच्या थरोळ्यात
                                                 तिरंगा पेटला ……!

                                                 मुबंई ,दिल्ली, हैदराबाद
                                                 बॉम्बस्फोटाच्या "आतिशबाजित "
                                                 हादरला  ……!
                                                 माणसांचा आक्रोश
                                                 अश्रूंचा लोट …लोटला ……

                                                 तांबडया , पिवळ्या , पांढ-या
                                                 कार्डाच्या जातीत  ….  आता
                                                 आधारकार्ड  … नव्या जातीची भर  ….
                                                 पडली   ……. !
                                                 तरी मोड़ता नाहित आले
                                                 कोणाला मनातले बांध
                                                 हिन्दू मुस्लिम वाद , आणि जातीचे खांब  …!

                                                 ते पाहून तर
                                                 त्याचे डोळे पांढरेच झाले
                                                 कायद्याला गूंडाळणारे
                                                 कायदे पंडित झाले
                                                 चोराला सोडून   …पोलिसालाच बदडले    …. !

                                                 खरं बोललात तर खबरदार
                                                 नव्या आणिबाणीचा नवा अवतार  …. !
                                                 घश्यातला हुंदका त्याने
                                                 डोळ्यातही दाबला   …… !
                                                 अनं  …  कोप-यात जाउन
                                                 तो रड रड रडला   ……. !

                                                 "सगळ्यांचे पाहिले त्याने
                                                 घरातले बंड
                                                 नव्या गुलामीचे नवे साखळदंड"   ……!

                                                 तरी सारे आलबेल
                                                 ज्याचा त्याचा चाललाय खेळ
                                                 पाहून थक्क झाला तो
                                                 "भारत माझा महान "  नावाची
                                                 अफूची गोळी  …
                                                 घेउन  ……  झोपलाय प्रत्येक हिंदुस्थानी
                                                झोपलाय प्रत्येक हिंदुस्थानी   ……!!!!!!


                                                                                                            "समिधा"


                                                                                     

   


                                                 
                                                

                                       

                                                 


                

               


                                               
                                             

७ टिप्पण्या:

  1. कायद्याला गूंडाळणारे कायदे पंडित झाले chhan

    प्रत्युत्तर द्याहटवा
  2. "भारत माझा महान "
    झोपलाय प्रत्येक हिंदुस्थानी ……!!!!!!
    Nice one !!!

    प्रत्युत्तर द्याहटवा
  3. घश्यातला हुंदका त्याने डोळ्यातही दाबला …… !
    अनं … कोप-यात जाउन तो रड रड रडला ……. !

    Class!!!!!

    प्रत्युत्तर द्याहटवा